काठमाडौं – नायक सौगात मल्ल र नायिका बेनिशा हमाल शीर्ष भूमिकामा रहेको फिल्म ‘सिटामोल’को टिजर सार्वजनिक भएको छ ।

साउन २३ गते प्रदर्शन मिति तोकिएको यस फिल्मको टिजर राष्ट्रिय धान दिवसको अवसर पारेर आइतबार सार्वजनिक गरिएको हो ।

‘जुम्लेलीलाई जीवनजल नै गुन हजुर, रोल्पालीलाई सिटामोल नै सुन हजुर’ भन्ने संवादबाट टिजरको सुरुवात हुन्छ ।

फिल्ममा सौगात र बेनिशा जोडीको भूमिकामा रहेको टिजरले प्रष्ट पारेका छ ।

खुट्टामा समस्या भएको पात्र सौगातले निर्वाह गरेको देख्न सकिन्छ । उनी बेहुलाबन्दा पनि बैशाखीको साथमा उभिएको देख्न सकिन्छ ।

आर्थिक संकटमा परेपछि यो जोडीको वैवाहिक सम्बन्धमा चिसो पस्ने कथामा फिल्म बनेको टिजरबाट बुझ्न सकिन्छ ।

टिजरमा सौगात-वेनिशासहित लोकेन्द्र लेखक, बलकलाकारहरु करण परियार र आराध्या राज्यलक्ष्मी डीसीलाई स्थान दिइएको छ ।

तुल्सी देवी फिल्म प्रालीले जुनतारा फिल्मस्को सहकार्यमा निर्माण भएको सिनेमाको कथा प्रदीप भारद्धाज र निर्देशक सानेले लेखेका हुन् । फिल्मको प्रस्तुतकर्ता सिमोस सुनुवार हुन् ।