काठमाडौं– पूर्वप्रधानमन्त्री डा. बाबुराम भट्टराई राष्ट्रिय स्वतन्त्र पार्टी (रास्वपा)को बनस्थलीस्थित केन्द्रीय कार्यालय पुगेका छन् । रास्वपाको जारी हस्ताक्षर अभियानमा समर्थन जनाउन उनी शनिबार बनस्थलीस्थित केन्द्रीय कार्यालय पुगेका हुन् । 

बनस्थली पुगेर पूर्वप्रधानमन्त्री भट्टराईले अभियानमा समर्थन गर्दै हस्ताक्षर गरेको रास्वपाका नेता दीपक बोहराले जानकारी दिएका छन् । 

‘राजनीतिक प्रतिशोधविरुद्धको जनताको हस्ताक्षर अभियानमा पूर्व प्रधानमन्त्री डा. बाबुराम भट्टराईले साथ समर्थन जनाउनुभएको छ,’ उनले भने । 

बोहराका अनुसार भट्टराईले रास्वपाका सभापति रवि लामिछानेमाथि राज्यले अन्याय गरेको भन्दै हस्ताक्षर गरेका छन् । 

रास्वपा असार ७ गतेदेखि पार्टी सभापति लामिछानेमाथि सरकारले प्रतिशोध साँधेको दाबी गर्दै देश भित्र र बाहिर हस्ताक्षर संकलन गरिरहेको छ ।