काठमाडौं – जनताको बहुदलीय जनवादका प्रणेता मदन भण्डारीको ७४औं स्मृति दिवसका अवसरमा काठमाडौंस्थित राष्ट्रिय सभागृहमा जबजका तीन दशक राष्ट्रिय गोष्ठीको सुरुवात भएको छ ।

पूर्वराष्ट्रपति विद्यादेवी भण्डारीले मदन भण्डारीको तस्बिरमा पूष्पगुच्छा अर्पण गरी गोष्ठीको उद्घाटन गरेकी छन् । यो गोष्ठीलाई नेपाली राजनीतिमा महत्वपूर्ण रुपमा हेरिएको छ । पूर्वराष्ट्रपति भण्डारीले राजनीतिमा पुनरागमनको उद्घोष गर्ने कार्यक्रमका रुपमा गोष्ठीलाई हेरिएको छ ।

गोष्ठीमा प्रधानमन्त्री तथा नेकपा एमालेका अध्यक्ष केपी शर्मा ओलीको उपस्थिति रहेको छ । उनले मदन भण्डारीको तस्बिरमा माल्यार्पण गरेका छन् । उनलाई मदन भण्डारी फाउण्डेशनकी अध्यक्ष तथा मदन भण्डारीपुत्री उषाकिरण भण्डारीले स्वागत गरेकी छन् । गोष्ठीमा ‘जनताको बहुदलीय जनवाद राष्ट्र निर्माणको आधार’ विषयक परिचर्चा र मदन भण्डारी राष्ट्रिय पुरस्कार हस्तान्तरणको औपचारिक कार्यक्रम तय गरिएको छ ।