काठमाडौं – अभिनेत्री साम्राज्ञी राज्यलक्ष्मी शाहले पहिलो फिल्मबाटै सफलताको स्वाद चाखिन् । चलचित्र ‘ड्रिम्स’ उनको डेब्यु फिल्म थियो । यो फिल्मबाट उनले राम्रो चर्चा पाए पनि शूटिङका बेलामा भने ‘बायसनेस’ भएको बताएकी छिन् ।

आफूले पहिलोपटक नै अनमोल केसीसँग होम प्रोडक्सनमा काम गर्दा निर्माण टिमले इग्नोर गरेको बताइन् ।

‘मेरो पहिलो फिल्म नै अनमोल केसीको होम प्रोडक्सनमा थियो त्यो फिल्मपछि त मैले अरु फिल्म नै नगर्ने निर्णय गरेकी थिएँ,’ साम्राज्ञीले भनिन्, ‘दर्शकले काम मन पराएपछि भने यही क्षेत्रमा केही गरौँ भन्ने लाग्यो ।’

शुरुका दिनमा आफू नयाँ भएको र सबैले अनमोललाई महत्त्व दिने तर आफूलाई मतलब नदिने गरेको उनले सुनाइन् । ‘हुन त यो क्षेत्रमा राम्रो र नराम्रो दुवै हुन्छ, अहिले भने सकारात्मक कुरालाई बढी फोकस दिइरहेकी छु,’ उनले भनिन् ।

‘पहिलो फिल्ममा गर्दा म त्यति बोल्न सक्ने खाले पनि थिइनँ, त्यतिबेला डरलाग्दै बायसनेस थियो,’ उनले दोहो¥याइन् ।

फिल्ममा अभिनय गर्दै आउँदा अहिले भने अनुभवले धेरै कुरा सिएको साम्राज्ञीको भनाइ थियो । फिल्म क्षेत्रमा सधै राम्रो गर्ने कोशिश गर्ने उनले बताइन् ।

साम्राज्ञी अभिनित फिल्म ‘मारुनी’ केही हप्ताअघि रिलिज भएको थियो । यो फिल्ममा उनले गरेको अभिनयबाट औसत प्रतिक्रिया पाइन् । आउँदो शुक्रबारबाट उनको अभिनय रहेको आठौं फिल्म ‘रातो टीका निधारमा’ रिलिज हुँदैछ ।

फिल्ममा उनले अंकित शर्मासँग जोडी बाँध्नेछिन् । यो फिल्मलाई अशोक शर्माले निर्देशन गरेका हुन् ।