काठमाडौं– बलिउड नायक सलमान खान नयाँ फिल्मको तयारीमा जुटेको पाइएको छ । भारती मिडियाहरुका अनुसार उनी नयाँ फिल्म ‘गलवान’को तयारीमा जुटेका हुन् ।

यो फिल्ममा पातलो देखिनुपर्ने भएकाले सलमान तौल घटाइरहेका छन् । अर्कोतर्फ फिल्मको प्री–पोडक्सनको कामहरु भइरहेको बुझिएको छ ।

निर्देशक अपूर्व लखिया जुलाईमै छायाङ्कनमा निस्कने योजनाका साथ काम गरिरहेका छन् । पहिलो चरणको छायाङ्कन लदाखमा २५ दिन चल्ने बताइएको छ ।

यो फिल्ममा सलमानको अपोजिटमा नायिका चित्रांगदा सिंह रहने छिन् ।

भारतीय मिडिया पिंकभिल्लाका अनुसार यो फिल्मको कथा गलवान भ्यालीमा सन् २०२० मा भएको आक्रमणमा आधारित रहेको छ । यो सत्य घटनामा आधारित रहेर बन्न लागेको फिल्म हो ।

सलमानले फिल्ममा सेनाको भूमिका निर्वाह गर्न लागेका हुन् ।