काठमाडौँ – स्कटल्याण्डमा जारी त्रिकोणात्मक टी२० सिरिजअन्तर्गत भइरहेको तेस्रो खेलमा घरेलु टोलीले पनि कसिलो जवाफी बलिङ फर्काएको छ ।

दोस्रो इनिङमा ब्याटिङ गरिरहेको नेपालले १५.२ ओभरको खेल सकिँदा ६ विकेटको क्षतिमा ७७ रन जोडेको छ ।

स्कटल्याण्डको ग्लास्गोमा टस जितेर पहिलो इनिङ बलिङ गरेको नेपालले सबै १० विकेट गुमाएर जम्मा ९७ रन जोडेको थियो । नेपालले जीत हात पार्न ९८ रनको लक्ष्य पाएको हो ।

नेपालका कुशल भुर्तेल ३०, लोकेश बम ९, अनिल साह ३ र रोहित पौडेल ७, दीपेन्द्रसिंह ऐरी १४ र बसिर अहमद १३ रन जोडेर पेभेलियन फर्किए । यो समाचार तयार पार्दासम्म हाल क्रिजमा रहेका किरन ठगुन्ना र रुपेश सिंहले रन जोडिसकेका छैनन्‌ ।

सोमबार नेदरल्याण्डस्‌विरुद्ध तेस्रो ओभरमा खेल गुमाएको नेपाल आज पहिलो जीत निकाल्ने प्रयासमा छ ।

पहिलो खेलमा नेदरल्याण्डस्‌लाई ३९ अङ्कले पराजित गर्दै दुई अङ्क जोडेको स्कटल्याण्ड पनि लगातार दोस्रो जीतको खोजीमा हुनेछ ।