काठमाडौं- पत्रकार दिलभूषण पाठकलाई नेपाल प्रहरीले उपस्थित हुन आग्रह गरेको छ । साइबर ब्यूरोले मंगलबार सार्वजनिक सूचना जारी गर्दै पाठकलाई यथाशिघ्र उपस्थित हुन आग्रह गरेको हो । सार्वजनिक सूचनामा पाठकलाई साइबर ब्यूरो वा नजिकको प्रहरी कार्यालयमा उपस्थित भई अनुसन्धानमा सहयोग गर्न भनिएको छ ।

यसअघि पाठकविरुद्ध साइबर अपराध अभियोगमा पक्राउ पूर्जी जारी गरिएको थियो । तर पाटन उच्च अदालतले सोमबार उनलाई पक्राउ नगर्न अल्पकालीन अन्तरिम आदेश दिएको छ ।

हिल्टन होटेलमा नेपाली कांग्रेसका सभापति शेरबहादुर देउवा तथा परराष्ट्रमन्त्री डा. आरजु राणा देउवाका छोरा जयवीरको लगानी रहेको विषयमा युट्युबमा रिपोर्ट प्रशारण गरेपछि देउवा परिवारले पाठकविरुद्ध साइबर ब्युरोमा उजुरी दिएको थियो ।