सुर्खेत– कर्णालीमा बजेट ल्याउने विषयमा कर्णालीमा सत्ता पक्ष र प्रतिपक्षबीच विवाद भएको छ । कर्णालीमा बजेट ल्याउने विषयमा सत्ता पक्ष र प्रतिपक्ष माओवादी केन्द्रका बीचमा विवाद हुँदा बजेट भाषण हुन सकेको छैन ।  

कर्णालीमा प्रतिपक्ष दल नेकपा माओवादी केन्द्रले योजना बैंकमाथि प्रश्न उठाउँदै प्रदेश सभा बैठकमा सहभागी नहुने भनेपछि दिउँसो ३ बजे बस्ने भनिएको सभा अनिश्चित बनेको छ । 

एकलौटी तरिकाले आफूखुसी बजेट ल्याउन लागिएको भन्दै प्रश्न उठाएको माओवादी संसदीय दलका प्रमुख सचेतक कृष्णबहादुर जिसीले बताए । ‘सरकारले ‘आयोजना बैंक’ का नाममा अपारदर्शी र एकलौटी ढङ्गले बजेट निर्माण प्रक्रिया अघि बढाएको छ,’ उनले उनले भने, ‘बजेटको आधार मानिएको आयोजना बैंक अहिलेसम्म सार्वजनिक गरिएको छैन । र त्यसमा के–कस्ता योजना छन् भन्नेबारे कसैलाई जानकारी छैन ।’