काठमाडौं– चिनियाँ समुद्री खानेकुराको उत्पादनमा बधुँवा मजदुरको प्रयोग भइरहेको पाइएको छ । चीनमा उत्पादन हुने समुद्र खाना खोज्नका लागि प्रयोग गरिने जहाजमा बधुँवा मजदुरको प्रयोग हुने गरेको देखिएको हो ।

अमेरिकाको भन्सार तथा सीमा सुरक्षा निकायले यस्ता बधुँवा मजदुर प्रयोग हुने चिनियाँ जहाजमा रहेका खानेकुरालाई नियन्त्रणमा लिने जनाएको छ । चीनले अन्तर्राष्ट्रिय समुद्रमा बधुँवा मजदुरको प्रयोग गर्दै आएको जनाइएको छ ।

अन्तर्राष्ट्रिय समुद्रमा नियम कानुन कार्यान्वयन गर्न कठिन हुने भएकाले चीनले यस्तो अभ्यास गर्दै आएको बताइएको छ । हालै माछा मार्न धेरै टाढासम्म पुग्ने चिनियाँ जहाज लोङ सिङ ६२९ मा बधुँवा मजदुर प्रयोग हुने गरेकोबारे छानबिन गरिएको थियो ।

छानबिनमा उक्त जहाजमा काम गर्ने मजदुरलाई तलब नदिइने, उनीहरुमाथि दुव्र्यवहार हुने र शारीरिक यातना दिएको पत्ता लागेको थियो । अमेरिकी निकायको यस्तो घोषणासँगै अब बधुँवा मजदुरको प्रयोग हुने जहाजले उत्पादन गर्ने समुद्री खानामा प्रतिबन्ध लाग्ने छ ।