सुर्खेत– कर्णाली प्रादेशिक अस्पताल सुर्खेतमा सातौँ पटक सफलतापूर्वक मिर्गौला प्रत्यारोपण  गरिएको छ ।

शहीद धर्मभक्त राष्ट्रिय प्रत्यारोपण केन्द्रको समन्वय तथा प्राविधिक सहयोगमा युरोलोजी विभाग प्रमुख तथा मिर्गौला प्रत्यारोपण विशेषज्ञ डा. दिपेश श्रेष्ठको नेतृत्वमा सफल प्रत्यारोपण भएको हो ।

प्रत्यारोपण टोलीमा केन्द्रका अनुभवी युरोलोजी सर्जन डा. रोजन अधिकारी, ट्रान्सप्लान्ट फेलो डा. विकास खड्का, एनस्थेसियोलोजिस्ट डा. सोवित थापा, नेफ्रोलोजिस्ट डा. सन्तोष सुवेदी, मेडिकल अधिकृत डा. बादल महर्जन, नर्सिङ स्टाफ कमला बोगटी, रबिना पक्का र दीपा केसीको सक्रिय सहभागिता रहेको थियो ।

त्यसैगरी, कर्णाली प्रदेश अस्पताल, सुर्खेतका विभाग प्रमुख तथा सर्जन डा. गणेश थापा, सर्जन डा. विजय घिमिरे, डा. पुजन बल्ला नेतृत्वको एनेस्थेसिया टोली, नर्सिङ स्टाफ प्रभा रावल नेतृत्वको ओटी नर्सिङ स्टाफहरू, र नर्सिङ स्टाफ इन्दिरा उपाध्याय नेतृत्वको आईसीयू नर्सिङ स्टाफहरूको समेत महत्वपूर्ण सहयोग रहेको थियो ।

शहीद धर्मभक्त राष्ट्रिय प्रत्यारोपण केन्द्रले प्रदेशस्तरीय अस्पतालहरूसँग सहकार्य गर्दै देशभर प्रत्यारोपण सेवाको पहुँच विस्तार गर्ने लक्ष्य राखेको छ।