काठमाडौं– इजरायली सेनाले इरानले प्रहार गरेका चालकरहित हवाइ उपकरण ड्रोन निस्तेज पार्न थालेको छ । इजरायली आक्रमणको बदलामा इरानले एक सयभन्दा धेरै ड्रोन प्रहार गरेको थियो ।
इजरायली रक्षा बलका अनुसार इजरायलबाहिरको आकाशमा ती ड्रोन निस्तेज पार्न थालिएको हो । ‘इजरायली रक्षा बलले इरानबाट प्रहार भएका चालकरहित हवाइ उपकरण इजरायली भूमिबाहिर निस्तेज पार्न थालेको छ ।’ इजरायली सेनाका अधिकारीलाई उद्धृत गर्दै अमेरिकी टेलिभिजन सीएनएनले जनाएको छ ।
शुक्रबार बिहान इजरायलले गरेको आक्रमणमा इरानका वरिष्ठ सैनिक अधिकारी एवम् आणविक वैज्ञानिकको ज्यान गएको थियो । इजरायल र इरानबीच द्वन्द्व बढ्दै जाँदा मध्यपूर्वमा थप हिंसा चर्किने चिन्ता बढेर गएको छ ।
प्रतिक्रिया