काठमाडौं – युरोपेली राष्ट्रको विश्वकप छनोट अन्तर्गत मंगलबार राति भएको खेलमा नेदरल्यान्ड्सले माल्टामाथि सनसनीपूर्ण जित निकालेको छ। समूह ‘जी’को खेलमा नेदरल्यान्ड्सले माल्टालाई ८–० गोलले हराएको हो। सो खेलमा मेम्फिस डिपेले दुई गोल गरेका थिए।

यसैगरी डोनेल मालनेले पनि दुई गोल गरे। अन्य गोल भिगिल भान डिजिक, जाभी सिमोन्स, नोह लाङ र मिक्की भान डे मेनले गरे।

सोही समूहको अर्को खेलमा फिनल्यान्डले पोल्यान्डलाई २–१ ले हरायो। हेलसिन्कीमा भएको सो खेलमा पाएको कठिन जित सहित फिनल्यान्ड समूहको शीर्ष स्थानमा पुगेको छ। फिनल्यान्डको चार खेलमा सात अङ्क बनाएको छ भने नेदरल्यान्ड्सको दुई खेलमा ६ अङ्क छ। पोल्यान्डले पनि तीन खेलमा ६ अङ्क बनाएको छ। लिथुवानियाको तीन खेलमा दुई तथा माल्टाको चार खेलमा मात्र एक अंक छ।