काठमाडौँ – आईसीसी एकदिवसीय क्रिकेट विश्वकप लिग–२ अन्तर्गत मंगलबार भइरहेको खेलमा नेदरल्याण्ड्सले नेपालविरुद्ध जवाफी ब्याटिङ थालेको छ ।

स्कटल्याण्डको डण्डीमा टस हारेर ब्याटिङमा गएको नेपालले दिएको २३७ रन चुनौती भेट्न नेदरल्याण्ड्सले ब्याटिङ थालेको हो । नेपालका ब्याट्सम्यान बसीर अहमदले पिचमा दौडेर नियम तोडेपछि पाएको १० रन पेनाल्टीबाट नेदरल्याण्ड्सले रन जोड्न सुरु गरेको हो ।

३.२ ओभरको खेल सकिँदा नेदरल्याण्ड्सले एक विकेटको क्षतिमा २४ रन जोडेको छ । नन्दन यादवको बलमा ललित राजवंशीले नेदरल्याण्ड्सका म्याक्स ओ’डोडलाई चार रनमा क्याचआउट गराएका हुन्‌ ।

नेपालले नेदरल्याण्ड्सविरुद्ध मध्यम स्कोर बनाएको हो। आरिफ शेखले ८५ बलमा ८४ रन बनाएपछि कुनै बेला संकटग्रस्त नेपालले पूरै ५० ओभर खेल्दै ९ विकेटको क्षतिमा २३६ रन जोडेको हो ।