काठमाडौं– सन् २०२६ को विश्वकप फुटबलका लागि भएको युरोपेली छनोटमा इटालीले फराकिलो हार बेहोरेको छ ।
शुक्रबार राति भएको खेलमा नर्वेले इटालीलाई ३–० गोलले हराउँदै स्तब्ध बनाएको हो ।
ओस्लोको घरेलु मैदानमा भएको खेलको १४औँ मिनेटमा नै अलेक्जेन्डर सोर्लोथको गोलमा नर्वेले अग्रता लिएको थियो ।
उक्त खेलमा एन्टेनियो नुसाले दोस्रो गोल गरे भने ४२औँ मिनेटमा एर्लिङ हलान्डले तेस्रो गोल गरेका थिए ।
समूह आईमा रहेको नर्वेले छनोट चरणमा सुरुवातका तीनवटै खेलमा सफलता पाउँदै शानदार प्रदर्शन गरेको छ ।
समूहमा ३ खेलबाट ९ अंक जोडेको नर्वे शीर्षस्थानमा छ भने पहिलो खेल खेलेको इटाली अङ्कविहीन छ ।
प्रतिक्रिया