काठमाडौं – बलिराम चौहानको निर्देशनमा बन्न लागेको फिल्म ‘द ब्ल्यू लाइट’को शुभमुहूर्त भएको छ । निर्माण पक्षले मंगलबार कमलादीस्थित क्यामेरा र स्क्रिप्टको पूजा गरेको हो ।

मुहुर्त कार्यक्रममा फिल्मका शीर्ष कलाकारहरु नायक अर्पण थापा, नायिका श्रृष्टि श्रेष्ठ र नायक आयुसमान जोशी पनि उपस्थित थिए ।

निर्देशक चौहानले यो फिल्मको छायाङ्कन बिहीबार अर्थात् जेठ २२ गतेबाट सुरु हुने बताए । काठमाडौं सेरोफेरमा २० दिनमा फिल्मको छायाङ्कन सक्ने योजनामा चौहान रहेका छन् ।

चौहानको यो डेब्यू निर्देशन हो । यसअघि उनले फिल्म ‘बलिदान’मा मुख्य सहायक निर्देशकको जिम्मेवारी सम्हालेका थिए ।

साइकोलोजिकल थ्रिलर जनरामा यो फिल्मको स्काइफल पिक्चर्सको प्रस्तुतीमा बन्न लागेको हो । यो फिल्म सन् २०२५ भित्रै प्रदर्शनमा आउने बताइएको छ ।