काठमाडौं – स्कटल्याण्डविरुद्ध जवाफी ब्याटिङ गरिरहेको नेपालले दुई विकेट गुमाएको छ । ओपनर आशिफ शेख ३३ बलमा २ चौकासहित २० रन बनाएर आउट भएका हुन् । उनलाई स्कटल्याण्डका ज्यास्पर डेभिडसनले क्याच आउट गराएका छन् ।

त्यस लगत्तै दोस्रो विकेटका रुपमा अर्का ओपनर कुशल भुर्तेल अर्धशतक बनाएर आउट भएका छन् । ४४ बलको सामना गरेका कुशलले ११ चौकासहित ५३ रन बनाए ।

२९७ रनको लक्ष्य पछ्याइरहेको नेपालले मध्यम प्रदर्शन गरिरहेको छ । १३ ओभरको खेलसकिँदा नेपालले दुई विकेटको क्षतिमा ७८ रन बनाएको छ । अहिले कप्तान रोहित पौडेल र भीम सार्की क्रिजमा छन् ।

त्यसअघि टस हारेर ब्याटिङ गरेको स्कटल्याण्डले निर्धारित ५० ओभरमा सात विकेट गुमाउँदै २ सय ९६ रन बबनाएको थियो ।

स्कटल्याण्डका लागि चार्ली टेयरले सवार्धिक ८० रन बनाए । ७२ बलको सामना गरेका उनले १२ चौका र एक छक्का प्रहार गरे । त्यसैगरी, फिन्ले म्याकरिथले ५५ रन जोडे ६७ बलको सामना गरेका उनले तीन चौका र एक छक्का प्रहार गरे ।

नेपालका लागि रिजन ढकाल, करण केसी र सोमपाल कामीले समान २ विकेट लिए । सन्दीप लामिछानेले एक विकेट लिए ।