काठमाडौं– बंगलादेशले आफ्नो मुद्रा रिडिजाइन गर्ने भएको छ । बंगलादेशको केन्द्रिय बैंकले ५ सय, २ सय, १ सय, १०, पाँच र दुई टका दरका नोट रिडिजाइन गर्न लागेको हो ।

बंगलादेश बैंकले नयाँ मुद्रामा ऐतिहासिक एवम् पुरातात्विक वास्तुकलाका तस्बिर राख्न लागेको ढाका ट्रिब्युनले जनाएको छ । नयाँ नोटमा कुनै पनि मानिसको तस्बिर नराखिने जनाइएको छ ।

यसअघि बंगलादेशका टकामा बंगलादेशका संस्थापक राष्ट्रपति बंगबन्धु शेख मुजिबुर रहमानका तस्बिर अंकित गरिएको थियो ।

आइतबार १ हजार, ५० र २० टका दरका नयाँ नोट प्रचलनमा आइसकेका छन् । नयाँ नोटसँगै यसअघि प्रचलनमा रहेका नोट पनि चल्ने जनाइएको छ ।

मुजिबुर रहमानकी छोरी शेख हसिनाले चर्को अन्दोलनसँगै गत अगस्ट महिनामा पद त्याग गरेर भारत भागेसँगै नयाँ नोट प्रचलनमा आउन लागेको हो ।