काठमाडौं– गत बिहीबार अर्थमन्त्री विष्णु प्रसाद पौडेलले आर्थिक वर्ष २०८२/८३ को लागि बजेट प्रस्तुत गरेका थिए । पौडेलले प्रस्तुत गरेको बजेटमा शेयर बजारका लागि ५ बुँदामा समेटे । 

बजेटमा समेटिएको ५ वटै बुँदा शेयर बजारका लागि सकारात्मक नै भएपनि बजेटपछि खुलेको शेयर बजारमा भने खासै सकारात्मक देख्न भने सकिएन । 

सोमबार शेयर बजार सुरुमा खुल्दा उच्च अंकले वृद्धि देखिएको भएपनि बन्द हुँदा भने झिनो अंकले मात्र बढेको छ । 
आज नेपाल स्टक एक्सचेञ्ज (नेप्से) १.६० अंकले बढेर २६९४.६६ विन्दुमा पुगेको छ । 

आज दिनभरमा ९ अर्ब २२ करोड ६३ लाख २२ हजार रुपैयाँ बराबरको २ करोड २० लाख ३१ हजार ८६१ कित्ता शेयर कारोबार भएको छ । 

आज ११५ वटा कम्पनीको शेयर मूल्य बढेको छ भने १३३ वटा कम्पनीको शेयर मूल्य घटेको छ । 

दिनभरमा २१४ वटा कम्पनी कारोबारमा आउँदा ८३ हजार १६ पटक शेयर किनबेच भएको छ ।

यो पनि पढ्नुहोस् :

बजेटमा शेयर बजार : अर्थमा अड्किएको नेप्सेको पुनर्संरचनादेखि एनआरएन भित्र्याउनेसम्म