पेरिस-पेरिस सेन्ट जर्मेन (पीएसजी) ले फ्रेन्च सुपरस्टार किलियन एमबाप्पेले छाडेकै पहिलो सिजनमा चार उपाधि उचालेको छ । फुटबलमा नयाँ इतिहास रच्दै पीएसजीले चार उपाधि जित्न सफल भएको हो ।

यो ऐतिहासिक उपलब्धि एमबाप्पेको बहुचर्चित रियल म्याड्रिड सरुवापछि हासिल भएको हो। विश्वकप जितिसकेका एम्बाप्पे च्याम्पियन्स लिगको उपाधि जित्नकै लागि पीएसजीबाट फ्रीमा रियल मड्रिड गएका थिए।

उनले पीएसजी छाड्दै रियल जाँदा फ्रेन्च क्लबको भविष्यमाथि प्रश्न उठाएका थिए । उनी कुनै बेला लियोनेल मेस्सी र नेयमारसहित पीएसजीबाट खेल्थे । तर ती दुवै खेलाडीसँग उनको सम्बन्ध राम्रो हुन सकेन ।

स्पेन जानुअघि उनले फ्रेन्च क्लबको भविष्यलाई लिएर गम्भीर शंका उठाएका थिए। तर प्रशिक्षक लुइस एनरिकेको नेतृत्वमा पीएसजीले एम्बाप्पेसहितका आलोचकहरूको मुख थुन्दै आफूलाई युरोपको प्रतिष्ठित उपाधिको हकदार बनाएको छ । पीएसजीले फ्रान्सको घरेलु फुटबलमा एकछत्र राज गरिरहेको अवस्थामा अब युरोपमा पनि रवाफ जमाएको छ ।

पीएसजीको उपाधि

लिग १ — उत्कृष्ट लयमा खेलेर पीएसजीले यसअघि नै ठूलो अंकको अन्तरसहित यो उपाधि चुमिसकेको छ ।

कूप दे फ्रान्स- फाइनलमा मार्सेइलाई सहजै हराउँदै पीएसजीले यो उपाधि उचाल्यो।

च्याम्पियन्स लिग- शनिबार राति म्युनिखमा भएको फाइनलमा इन्टर मिलानलाई ५–० ले हराउँदै ऐतिहासिक पहिलो युरोपियन उपाधि उचालेको छ ।

ट्रोफी दे च्याम्पियन- यो सिजनको सुरुवातमै जित हासिल गर्दै यो उपाधि चुमेको थियो ।

खाली हात एम्बाप्पे

फ्रेन्च सुपरस्टार किलियन एम्बाप्पे को आगमनसँगै रियल मड्रिडबाट धेरै आशा गरिएको थियो। तर उन पहिलो सिजन निराश भए । रियल मड्रिडले कुनै उपाधि जित्न सकेन ।

एम्बाप्पेले व्यक्तिगत प्रदर्शनतर्फ ला लिगाम ा३० खेलमा २४ गोल । ७ असिस्ट गरे । च्याम्पियन्स लिगका १० खेलमा ६ गोल गरे । समग्रमा ४४ खेलमा ३२ गोल र १० असिस्ट पहिलो सिजन उनको नामम रह्यो ।

उता एम्बाप्पे आएपछि रियल मड्रिडले कुनै उपाधि जित्न सकेन । ला लिगा बार्सिलोनाले जित्यो । च्याम्पियन्स लिगमा उसलाई आर्सनलले सेमिफाइनललका लागि भएको भिडन्तमा नराम्ररी हरायो । रियलल कोपा डेल रे पनि जित्न सकेन ।