काठमाडौं – मल्टिस्टारर फिल्म ‘के घर के डेरा : घर नम्बर २’ तेस्रो सातामा प्रदर्शनरत छ । यही शुक्रबारबाट यो फिल्म तेस्रो सातामा प्रवेश गरेको छ ।

सहरी जनजीवनको कथा समेटिएको यस फिल्मको निर्देशक दीपेन्द्र के खनाल हुन् । फिल्ममा नायकहरु आर्यन सिग्देल, खगेन्द्र लामिछाने, निश्चल बस्नेत, नायिकाहरु केकी अधिकारी र उपासनासिंह ठकुरी शीर्ष भूमिकामा छन् ।

फिल्मको सकारात्मक ‘वर्ड अफ माउथ’का साथ प्रदर्शन छन् । अकुपेन्सी भने उत्साहजनक छैन । यसबारे निर्देशक खनाल भन्छन्, ‘जतिले फिल्म हेर्नुभएको छ, राम्रो प्रतिक्रिया दिनुभएको छ । उहाँहरुले प्रतिक्रियाले हलमा दर्शकको संख्या बढ्ने मैले विश्वास लिएको छु ।’

यो फिल्म ‘ऊनको स्वीटर’को आक्रमक अकुपेन्सीको चापमा परेको थियो । उक्त फिल्मको पनि अहिले अकुपेन्सी घट्दो क्रममा नै छ ।

यो शुक्रबार फ्रेस फिल्म हलमा नलागेकाले यो साता दर्शकलाई तान्ने सुविधा ‘घर नम्बर २’ले पाएको छ । वितरक करण श्रेष्ठ पनि शो संख्या थपिने क्रममा रहेको बताउँछन् ।

‘के घर के डेरा स् घर नं २’ को कथा साहित्यकार बुद्धि सागरले लेखेका छन् । दीपेन्द्र के खनालको निर्देशन रहेको चलचित्रमा खगेन्द्र लामिछाने, निश्चल बस्नेत, आर्यन सिग्देल, केकी अधिकारी, उपासना सिंह ठकुरी, प्रकाश घिमिरे, श्रृजना नापित, संजोग रसाइली, रुविना घिमिरे, सुरज विष्टलगायत कलाकारलगायतको अभिनय रहेको छ ।

‘के घर के डेरा स् घर नं २’ चलचित्र एप्पल इन्टरटेन्मेन्ट, ए प्लस इन्टरटेन्मेन्ट तथा नटराज क्रिएसनको प्रस्तुतिमा निर्माण भएको हो । फिल्मका लेखक बुद्धिसागर हुन् ।