काठमाडौं– पाकिस्तामा पोलियोका बिरामी फेला परेका छन् । पाकिस्तानको राष्ट्रिय स्वास्थ्य प्रतिष्ठानका अनुसार पोलियोका थप दुई जना बिरामी फेला परेका हुन् ।

नयाँ बिरामी खैबर पख्तुनख्वा प्रान्तको बन्नु र लक्की मरवत क्षेत्रमा देखा परेको द नेसन पाकिस्तानले जनाएको छ । बन्नुमा ४० महिने बालकमा पोलियो देखा परेको छ भने लक्की मरवत क्षेत्रमा २६ वर्षे बालिकामा यो रोग देखा परेको छ ।

सो क्षेत्रमा सन् २०२३ को अक्टोबर महिनायता कुनै खोप अभियान सञ्चालन नभएको अधिकारीहरुले जनाएका छन् । सो क्षेत्रमा स्थानीयहरु नै खोप अभियानको विपक्षमा उभिँदै आएका छन् ।

पाकिस्तानी प्रधानमन्त्री शहबाज शरिफले मुलुकमा पोलियो उन्मूलनमा आफ्नो सरकार प्रतिबद्ध रहेको जनाएको छ । उनले पोलियो अभियानमा खटिने स्वास्थ्यकर्मीको सुरक्षाको प्रत्याभूति गर्ने आश्वासन पनि दिएका छन् ।