पोल्यान्ड – रियल बेटिसलाई ४-१ ले हराउँदै चेल्सीले युइएफए कन्फेरेन्स लिगको उपाधि जितेको छ। पोल्यान्डको वार्समा भएको खेलको सुरुवातमा नै बेटिसले अग्रता लिएपछि चेल्सीले पराजय भोग्ने सम्भावना बढी देखिएको थियो। दोस्रो हाफमा कोल पालमरको सानदार प्रदर्शनमा चेल्सी खेलमा फर्किएको थियो।

उनले पाँच मिनेटको अन्तरमा इन्जो फर्नान्डेज र निकोलास ज्याक्सनका लागि गोलको अवसर सिर्जना गरिदिएका थिए। ६५ औँ मिनेटमा फर्नान्डेजले बराबरी गोल गरेको टोलीका लागि ७० औँ मिनेटमा ज्याक्सनले अग्रता दिलाएका थिए।

खेलको ८३ औँ मिनेटमा जार्डन सान्चोले अग्रता फराकिलो बनाएका थिए। मोइसेस साइसेडोले इन्जुरी समयका चेल्सीका लागि अन्तिम गोल गरे। खेलको नवौँ मिनेटमा एजाल जाउलीको गोलमा बेटिसले अग्रता लिएको थियो।

युरोपका पाँच क्लब प्रतियोगिताकाको उपाधि जित्ने एक्लो टिमको रूपमा कीर्तिमान राख्न चेल्सी सफल भएको छ। च्याम्पियन्स लिग, युरोपा लिग, कन्फरेन्स लिग, सुपर कप र कप विनर्स कप सबै जित्ने चेल्सी एक्लो टोली हो।