काठमाडौं– छालाको रंग फेरिने डरले घामबाट जोगिने एक महिलाको भिटामिन डीको कमीका कारण सुतेकै बेला हड्डी भाँचिएको छ । घटना चीनको हो ।

ती महिला घामबाट यति डराउँथिन् कि उनले आधा बाहुला भएको लुगा समेत लगाउन्न थिइन् । अहिले चिनियाँ सामाजिक सञ्जालमा यस घटना भाइरल भइरहेको छ ।

गत मे १४ का दिन सिचुवान प्रान्तको चेङ्दु शहरमा रहेको परम्परागत चिनियाँ उपचारमा आधारित सिनदु अस्पतालमा ४८ वर्षकी ती महिलालाई ल्याइएको थियो । ती महिलाको नाम गोप्य राखिएको छ ।

सुतेको ठाउँमा कोल्टे फेर्दा उनको हड्डी भाँचिएका कारण उनलाई अस्पताल लगिएको थियो । त्यस अस्पतालमा लोङ शुआङले ती महिलाको उपचार गरेका थिए ।

पछि ती महिला कहिल्यै घाममा ननिस्किने गरेको, निस्केपनि पूरा शरीर ढाक्ने कपडा र घामको किरणबाट जोगिने तेल लगाउने गरेको पत्ता लागेको थियो । उनी सानैदेखि घामबाट जोगिँदै आएकी थिइन् ।

यसै कारण उनको शरीरमा भिटामिन डीको कमी भएको र फलस्वरुप सुतेकै ठाउँमा कोल्टे फेर्दा हड्डी भाँचिएको साउथ चाइना मर्निङ पोस्टले उल्लेख गरेको छ । जाँच गर्दा उनको शरीरमा भिटामिन डीको स्तर ‘अत्यन्त न्यून’ रहेको पत्ता लागेको थियो ।

भिटामिन डीले शरीरमा क्याल्सियमको शोचन प्रक्रियामा सहयोग पु¥याउने र हड्डी बलियो बनाउने जनाइएको छ ।