काठमाडौं – बलिउड नायिका आलिया भट्ट यस संस्करणको कान्स फिल्म फेस्टिभलमा सहभागी भएकी थिइन् ।

सामाजिक सञ्जालमा उनले कान्समा सहभागी हुँदा लगाएको पहिरनले चर्चा पाएको छ । मे २४ मा समापन समारोहमा लगाएको सारीले उनी चर्चामा आएकी हुन् ।

कान्सको कार्यक्रममा आलिया दुई पटक देखिएकी थिइन् । उनी पहिलो पटक गाउन र दोस्रो पटक सारीमा पुगेकी थिइन् ।

उनको सारीले सामाजिक सञ्जाल प्रयोगकर्ताको ध्यान खिचेको हो । उनले लगाएको यो साडीलाई फेसन समीक्षकहरुले प्रशंसा गरेका छन् ।

समीक्षकहरुले कान्सको रेड कार्पेटमा सारी ट्रेन्ड बढ्दै गएको अवस्थामा आलियाको उपस्थिति अझ विशेष बनेको बताएका हुन् ।

आलियाले लगाएको साडी महँगो ब्रान्ड गुच्चीले पहिलो पटक बनाएको हो । आलिया कान्समा जाने भएकाले गुच्चीले आफ्नो ब्रान्ड एम्बेस्डरका लागि उक्त सारी डिजाइन गरेको थियो ।

आलियाले लगाएको नेट सारीमा स्वारोवस्की क्रिस्टल जडित थियो ।

फेस्टिभलको पहिलो दिन आलियाले सफ्ट बेज पिङ्क रङको प्रिन्सेस लुकमा गाउन लगाएर सबैको ध्यान खिचेकी थिइन् ।
कान्समा उनको उपस्थितले विश्व समुदायको ध्यान खिच्न सफल भएको छ ।