काठमाडौं– मिजोरम भारतकै पहिलो पूर्ण साक्षर राज्य घोषित भएको छ । केन्द्रीय शिक्षा मन्त्रालयले यसबारे जानकारी दिएको हो । पूर्ण साक्षर घोषणा भएको अवसरमा राज्यलाई प्रमाणपत्र पनि हस्तान्तरण गरिएको छ ।

यसअघि केन्द्र शासित प्रदेश लद्दाखले पनि २०२४ मा पूर्ण साक्षरताको लक्ष्य हासिल गरिसकेको छ । नयाँ साक्षरता अभियान अन्तर्गत कुनै पनि राज्यलाई ९७ प्रतिशत साक्षरता हासिल गरेपछि पूर्ण साक्षर घोषणा गरिन्छ ।

सन् २०११ मा गरिएको जनगणनामा भारतको कुल साक्षरता दर ७९.०४ प्रतिशत रहेको थियो । भारतलाई पूर्ण साक्षर बनाउनका लागि शिक्षा मन्त्रालयले उल्लास नामक अभियान सञ्चालन गरेको थियो ।

त्यसबाहेक नयाँ राष्ट्रिय शिक्षा नीतिले पनि साक्षरता दर वृद्धिमा महत्वपूर्ण सहयोग गरेको भारतीय सञ्चार माध्यमले जनाएका छन् ।