काठमाडौं– पाकिस्तानको मुत्थैदा कोमी मुभमेन्ट (एमक्यूएम) का संस्थापक अल्ताफ हुसैनले उत्तरी वजिरिस्तानमा भएको ड्रोन आक्रमणको निन्दा गरेका छन् । उत्तरी वजिरिस्तानको तहसिल मीर अलीस्थित हर्मुज गाउँमा भएको आक्रमणका कारण एक जना महिला र चार जना बालबालिकाको मृत्यु भएको थियो ।

अल्ताफ हुसैनले घटनालाई दुःखद र अमानवीयको संज्ञा दिएको भारतीय समाचार संस्था एएनआईले जनाएको छ । यसलाई उनले मानव अधिकारको गम्भीर उल्लंघन भएको समेत उल्लेख गरेका छन् ।

उनले यस्तो आक्रमणको वैधानिकता र नैतिकताबारे पनि प्रश्न उठाएका छन् । अल्ताफ हुसैनले घटनाबारे निष्पक्ष र पारदर्शी छानबिनको पनि माग गरेका छन् ।

उनले घटनामा मारिएकाहरुलाई न्याय दिलाउन पनि माग गरेका छन् । यसअघि उनले भारत प्रशासित जम्मु कश्मीरको पहलगाम क्षेत्रमा भएको आतंककारी आक्रमणको पनि निन्दा गरेका थिए ।