काठमाडौं- क्यामरुनका गोलकिपर आन्द्रे ओनाना फेरि एक पटक अभागी सावित भएका छन् ।
सन् २०२२/२३ को सिजनमा इटालियन क्लब इटरमिलानबाट खेलेका उनी बुधबार राति टोटनह्यमविरुद्ध खेल्दा पनि अभागी सावित भए ।
उनले तीनवटा फाइनलमा हारेपछि युरोपियन फुटबलको इतिहासमा अनौठो कीर्तिमान बनाएका छन् ।
उनी तीनवटा फरक क्लबहरूका लागि युरोपियन प्रतियोगिताको फाइनल खेल हार्ने अभागी किपर बन्न पुगेका छन् ।
आन्द्रे ओनानाको पहिलो युरोपियन फाइनल सन् २०१७ मा डच क्लब अयाक्सका लागि थियो । त्यस सिजनमा अयाक्स युवा प्रतिभाले भरिएको सशक्त टोली थियो ।
त्यसबेला युरोपा लिगको फाइनलमा प्रवेश गरेको आयक्सा इङ्लिस क्लब म्यानचेस्टर युनाइटेड सँग २–० ले पराजित हुन बाध्य भयो । पहिलो युरोपियन फाइनलमा ओनाले निराशा भोग्नुपर्यो ।
त्यसपछि उनले सन् २०२२/२३ को सिजनमा इन्टरमिलानबाट खेल्दा पनि हार भोग्न बाध्य भए । आयक्सामा फाइनल हारपछि ओनाना इटालियन क्लब इन्टर मिलानमा गएका थिए ।
सन् २०२२–२३ सिजनमा शानदार प्रदर्शन गर्दै इन्टरमिलान च्याम्पियन्स लिगको फाइनलसम्म पुगेको थियो ।
तर फाइनलमा इङ्लिस क्लब म्यानचेस्टर सिटीसँग १–० को नमिठो पराज्य भोग्न बाध्य भए ओनाना । इन्टरलाई हराउँदै सिटीले पहिलो च्याम्पियन्स लिग उपाधि पनि चुमेको थियो । उता ओनानाका लागि त्यो खेल दोस्रो फाइनल हारका रुपमा दर्ज भयो ।
त्यसपछि सन् २०२३/२४ को सिजनमा ओनाना इन्टरमिलानबाट म्यानचेस्टर युनाइटेड आए । तर जारी सिजनको युरोपियन फाइनलमा पनि ओनानाले हार भोगे ।
ओनानाले बुधबार राति भएको युरोपा लिगको फाइनल पनि हार्न बाध्य भए । अर्को इङ्लिस टोली टोटनह्यामविरुद्ध युरोपा लिगको फाइनलमा म्यानचेस्टर युनाइटेड १-० ले पराजित भयो ।
यो पराजयका कारण म्यानचेस्टर युनाइटेड र ओनाना अर्को सिजन कुनै पनि युरोपियन प्रतियोगितामा देखिने छैनन् ।
यी तीनै फाइनलमा ओनानाले व्यक्तिगत रुपमा गतिलो प्रदर्शन गरे । तर उनका टोली उपाधि जित्न असफल रहे । ‘ओनानाको यात्रा प्रेरणादायी भए पनि यथार्थमा उनी युरोपियन फाइनलको ‘अभागी नायक’ बन्दै गएका छन्’, फुटबल पण्डितहरूले यसरी टिप्पणी गरे ।
जारी सन् २०२४/२५ को सिजनमा म्यानचेस्टर युनाइटेड इङ्लिस प्रिमियर लिगमा रेलिगेशनभन्दा केहीमाथि १६ औँ स्थानमा छ । यदि युरोपा लिगको उपाधि जितेको भए उसले अर्को सिजन युरोपेली फुटबलमा उपस्थिति देखाउन पाउँथ्यो ।
तर युरोपाको फाइनल गुमाउनु र प्रिमियर लिगमा पनि रेलिगेशनभन्दा केही माथि हुँदा युनाइटेडको निराशाजक अवस्था छ ।
प्रतिक्रिया