काठमाडौं – इन्डियन प्रिमियर लिग (आईपीएल) २०२५ अन्तर्गत अहिले जारी खेलमा मुम्बई इन्डियन्सले दिल्ली क्यापिटललाई १८१ रनको लक्ष्य दिएको छ ।

टस हारेर पहिले ब्याटिङ गरेको मुम्बईले निर्धारित २० ओभरमा पाँच विकेट गुमाउँदै १८० रन बनाएको हो । मुम्बईले सुरुवात सुस्त गरे पनि अन्त्यका दुई ओभरमा आक्रमणकारी प्रदर्शन गर्दै ४८ रन बटुल्न सफल भएको थियो ।

मुम्बईका लागि सूर्यकुमार यादवले उत्कृष्ट अर्धशतक प्रहार गरे । उनले नटआउट हुँदै ४३ बलमा ७३ रनको पारी खेले । जसमा सात चौका र चार छक्का समावेश छन् । यस्तै तिलक बर्माले २७, नमन धीरले अविजित २४, रायन रिकेलटनले २५ र विल ज्याक्सले २१ रन जोडे ।

दिल्लीका मुकेश कुमारले दुई, दुश्मन्था चामेरा, कुलदीप यादव र मुस्तफिजुर रहमानले समान एक विकेट लिए । प्लेअफका लागि आजको खेल दुवै टोलीलाई जित्नै पर्ने दबाब छ ।