काठमाडौं– नायक पल शाह र नायिका नीति शाह स्टारर फिल्म ‘मोहर’ साउन २३ बाट प्रदर्शनमा आउँदैछ । यो फिल्मको एक गीतको छायाङ्कन बाँकी थियो । फिल्मको बाँकी छायाङ्कन चैत पहिलो साता नै पूरा भएको हो ।

बाँकी रहेको फिल्मको शीर्ष गीतको छायाङ्कन पनि पूरा भएको छ । ‘चाहिँदैन मोहर’ बोलको गीतको छायाङ्कन दुई लोकेसन चितवन र नवपरासी गरिएको हो ।

निर्माण पक्षका अनुसार पाँच दिन लगाएर यस गीतको भिडियो खिचिएको छ । गीतमा नीति र पललाई रोमान्टिक जोडीका रूपमा देख्न पाइने निर्माण पक्षले खुलाएको छ ।

यो गीत चाँडै नै सार्वजनिक गर्ने तयारीमा निर्माण पक्ष रहेको छ । गीतको भिडियो थारु संस्कृति झल्कने गरी खिचिएको बुझिएको छ ।

‘चाहिँदैन मोहर’ बोलको गीतमा सुरेश अधिकारीको संगीत, प्रमोद ढुंगानाको शब्द, शरद हुमागाईं र विशाखा साहीको स्वर छ । गीतको भिडियोको कोरियोग्राफी रामजी लामिछानेले गरेका हुन् ।

फिल्ममा पल र नीतिसहित नायिका बेनिशा हमाल शीर्गा भूमिकामा रहेका छन् । उनीहरूसहित मिथिला शर्मा, रवीन्द्र झा, लक्ष्मी गिरीलगायतको अभिनय रहेको बताइएको छ ।

फिल्ममा पल र नीतिको साथमा बेनिशा हमाल, अर्जुन जंग शाही, मिथिला शर्मा, रवीन्द्र झा, लक्ष्मी गिरी, सारा शर्माको अभिनय छ ।