काठमाडौं– किराँत राईहरूले काठमाडौंको टुँडिखेलमा साकेला नाचेर उँभौली मनाएका छन् । यही साता बुद्ध पूर्णिमाको दिन परेको उँभौलीको साकेला नाच आज नाचिएको हो ।
किराँतहरूको देवी र देवता सुम्निमा (पार्वती) र पारुहाङ (शिव) को उत्पत्तिसँगै यो चाड मानिँदै आएको विश्वास छ । बाली लगाउने समयमा प्रशस्त वर्षा होस्, दैवी प्रकोप नपरोस्, आफ्नो समुदायमा रोगव्याधी नलागोस्, सुखशान्ति छाओस् भनेर उँभौली मनाइन्छ ।
यसैगरी साकेला आफ्ना पितृप्रति श्रद्धाञ्जली व्यक्त गर्न एवं उनीहरूको सामाजिक क्षेत्रको कार्य, योगदानप्रतिको सम्मान र सम्झनाका लागि नाचिन्छ । साकेलामा ढोल, झ्याम्टा बजाएर सृष्टिका गीत गाउने चलन छ ।
प्रतिक्रिया