काठमाडौं – सन् २००० को दशकको व्यस्त बलिउड नायिका प्रिति जिन्टा अहिले अभिनयबाट टाढा छिन् । यद्यपि उनी मिडिया र सामाजिक सञ्जालमा विभिन्न कारणले चर्चामा आइरहन्छिन् ।

उनी फिल्म नखेले पनि चर्चामा आइरहने नायिका हुन् । उनको अभिनय रहेको फिल्म ‘भैयाजी सुपरहिट’ सन् २०१८ मा प्रदर्शनमा आएको थियो ।

अहिले फेरि प्रिति जिन्टा पुन: ठूलो पर्दामा देखिन लागेको चर्चा चल्न लागेको छ । यो चर्चा उनकै कारण फैलिएको हो ।

प्रितिले इन्स्टाग्राममा ‘आक्स मी एनिथिङ’ अर्थात् ‘मलाई जे सोध‘ नामक प्रश्नोत्तर गरेकी थिइन् । जसमा एक फ्याले सोधेका थिए, ‘तपाईंको कुन फिल्मको सिक्वेल बन्नुपर्छ जस्तो लाग्छ ?’

प्रितिले जवाफमा भनेकी थिइन्, ‘सायद संघर्ष’ । ‘संघर्ष’ फिल्म सन् १९९९ मा प्रदर्शनमा आएको थियो । यो त्यसबेलाको हिट फिल्म हो । फिल्मको मूख्य भूमिकामा अक्षय कुमार र प्रिति थिए ।

त्यसबेलाको हिट फिल्म भएकाले प्रिति र अक्षयका फ्यानहरु ‘संघर्ष’को सिक्वेल बनाउनु पर्ने मत राख्दै आएका थिए । प्रितिको यो प्रश्नोत्तरपछि फ्यानहरु थप आशावादी छन् ।

‘संघर्ष’ नै प्रिति र अक्षयको अन्तिम सहकार्य हो । ‘संघर्ष-२’ बने २६ वर्षपछि प्रिति र अक्षयसँग सहकार्य हुने सम्भावना बढी छ । प्रितिले ‘संघर्ष’को सिक्वेलको आशा राख्नुले पनि उनी पुन: अक्षयसँग सहकार्य गर्न इच्छुक छन् भन्ने बुझ्न सकिन्छ ।

नभए उनले अरु नायकसँगको हिट फिल्मको सिक्वेल बन्नुपर्ने पनि भन्न सक्थिन् !