काठमाडौं – युद्धविरामको सहमतिपछि पनि पाकिस्तानले आक्रमण जारी राखेको भारतले आरोप लगाएको छ ।
जम्मु–कश्मिरका मुख्यमन्त्री उमर अब्दुल्लाहले श्री नगरमा अझै पनि विस्फोटका आवाजहरु सुनिएको बताएका छन् । पाकिस्तानले युद्धविराम उल्लंघन गरेपछि भारतीय सुरक्षा संयन्त्र उच्च सतर्कतामा रहेको बताइएको छ ।
मुख्यमन्त्री उमर अब्दुल्लाहले लेखेका छन्, ‘श्रीनगरमा अझै विस्फोट भइरहेको छ । विस्फोटको आवाजहरु सुनिँदैछ । यो कस्तो प्रकारको युद्धविराम हो ?’
जम्मु–कश्मीरका अखनूर, पुंछ, नौशेरा, श्रीनगर, आरएसपुरा, सांबा र उधमपुरमा युद्धविराम पछि पनि गोलाबारी भइरहेको भारतीय सञ्चारमाध्यमहरुले जनाएका छन् ।
प्रतिक्रिया