काठमाडौं – टोटनहाम हस्टस्पर्स युरोपा लिगको फाइनलमा प्रवेश गरेको छ। ४१ वर्षमा पहिलो युरोपेली उपाधि जित्ने अभियानमा रहेको टोटनहामले बिहीबार भएको दोस्रो लेग सेमिफाइनलमा बोडोलाई २-० ले हरायो। पहिलो लेगमा टोटनहाम ३-१ को सफलता पाएको थियो।
टोटनहामको यो छैटौँ युरोपेली प्रतियोगितामा फाइनल प्रवेश हो। यस अघि सन् २०१९ मा टोटनहाम च्याम्पियन्स लिगको फाइनलमा प्रवेश गरेको थियो। बिहीबारको खेलमा पहिलो हाफ गोलरहित बराबरीमा सकिएको थियो। दोस्रो हाफमा डोमिनिक सोलान्के र पेड्रो पोरोले गोल गरे।
सन् २००८ मा लिग कप जिते यता टोटनहामले कुनै उपाधि जितेको छैन युरोपकै हकमा भने सो टोलीले अन्तिम पटक सन् १९८४ मा युइएफएकपका सफलता पाएको थियो।
प्रतिक्रिया