नयाँदिल्ली- इन्डियन प्रिमियर लिग (आईपीएल) का अध्यक्ष अरुण धुमलकाले हिमाचल प्रदेशको धर्मशालामा बिहीबार हुने खेल नरोकिने बताएका छन् ।

बिहीबार साँझ हुने खेलमा पञ्जाब किङ्ग्स र दिल्ली क्यापिटल्सबीच धर्मशालामा भिड्दैछन् ।

भारतले मंगलबार राति पाकिस्तानमा आक्रमण गरेपछि यस खेलमा अनिश्चितता देखिएको थियो ।

पाकिस्तानमाथि आक्रमण गरेपछि भारतका धेरै एयरपोर्टहरूमा व्यावसायिक उडान अस्थायी रूपमा रोकिएका छन्। धर्मशालाको एयरपोर्ट पनि त्यही सूचीमा परेको हो।

इन्डिगो एयर र स्पाइसजेटले यसबारे सामाजिक सञ्जाल ‘एक्स’ मा यसबारे जानकारी दिएका छन्।

तर, आईपीएल अध्यक्ष अरुण धूमलले ‘इन्डियन एक्सप्रेस’ सँग कुरा गर्दे खेल निर्धारित कार्यक्रम अनुसार नै हुने बताएका छन् ।

यसबाहेक अब ११ मेमा धर्मशालामा पञ्जाब किङ्ग्स र मुम्बई इन्डियन्सबीच अर्को खेल तय भएको छ। धूमलले भनेका छन्, ‘११ मेको पञ्जाब र मुम्बईको खेल अहिले टाढैको कुरा हो, पछि थप निर्णय हुनेछ ।’

धूमलले यदि सरकारबाट कुनै सुझाव वा निर्देशन आएमा त्यसका आधारमा निर्णय लिइने बताएका छन् ।