काठमाडौं – अत्यन्त रोमाञ्चक खेलमा बार्सिलोनालाई हराउँदै इन्टर युरोपेली च्याम्पियन्स लिगको फाइनलमा प्रवेश गरेको छ। इन्टरले बार्सिलोनालाई एग्रिगेटमा ७–६ ले हराएको हो । पहिलो लेग ३–३ गोलको बराबरीमा सकिएको खेलमा दोस्रो लेगमा इन्टर ४–३ ले विजयी भएको हो।

इन्जुरी समयको दोस्रो मिनेटसम्म ३–२ ले पछि परेको इन्टरले अन्त्यमा दुई गोल गरेको हो। ३७ वर्षीय रक्षक फ्रान्सेस्को अरेबीले बराबरी गोल गरेको सो खेलमा थपिएको समयको नवौँ मिनेटमा वैकल्पिक खेलाडी डेभिड ब्राटेसीले गोल गरे।

यस अघि पनि २–० ले पछि रहेको कम ब्याक गरेको बार्सिलोना १० वर्षमा पहिलो फाइनल प्रवेश गर्नका लागि दुई मिनेट मात्र बाँकी रहेको थियो। खेलको २१ औँ मिनेटमा लाउटारो मार्टिनेजले इन्टरलाई पहिलो अग्रता दिलाएका थिए भने ४५ औँ मिनेटमा कान्हाग्लुले अर्को गोल गरे।

५४ औँ मिनेटमा इरिक गार्सियाको गोलमा खेलमा फर्किएको बार्सिलोनाका लागि ६० औँ मिनेटमा डानी अल्मोले गोल गरे। ८७ औँ मिनेटमा राफिन्हाले गोल गरेका थिए।