काठमाडौं – आगामी फूलपाती प्रदर्शन मिति तोकिएको फिल्म ‘माइतीघर’ छायाङ्नको क्रममा छ । गत बिहीबारबाट यस फिल्मको छायाङ्कन सुरु भएको हो ।

अहिले छायाङ्कन टोली म्याग्दी जिल्लाको ताकम गाउँमा छ । यस फिल्ममा केदार घिमिरे ‘माग्ने बूढा’, नायक धिरज मगर, प्रकाश सपुत, नायिका उपासना सिंह ठकुरी शीर्ष भूमिकामा रहेको बताइएको छ ।

छायाङ्नस्थलबाट केदार घिमिरेले फिल्ममा निर्वाह गरेको चरित्र खुल्ने तस्बिर सार्वजनिक भएको छ । उक्त तस्बिरमा केदार खाटमा बसेर मोबाइल फोन हेरिरहेका छन् ।

झट्ट हेर्दा उनी गाउँको मुखिया जस्तो देखिन्छन् । तर, उनले निर्वाह गरेको भूमिकाबारे निर्माण पक्षले केही जानकारी दिएको छैन ।

मिलन तामाङको निर्देशनमा तयार भइरहेको यो फिल्मलाई तामाङ संकृतिको सेरोफेरोमा राखेर निर्माण गरिएको निर्माण गरिने बताइएको छ ।

पहिलो चरणको छायाङ्कन २० दिन ताकम हुने र दोस्रो चरणको छायाङ्कन २० दिन दरबाङको तातोपानी क्षेत्रमा हुने बताइएको छ ।

रोहित अधिकारी फिल्मसको ब्यानरमा बन्ने यस फिल्ममा रोहित अधिकारी, रविन शेरचन र धीरज तामाङको लगानी रहने बताइएको छ ।