काठमाडौं – अमेरिकी राष्ट्रपति डोनाल्ड ट्रम्पको कर नीतिको असर पहिले नै चीनका कारखानाहरूमा पर्न थालेको छ ।

चिनियाँ उत्पादनका सामानहरूको आयात शुल्क १४५ प्रतिशतमा पु¥याउने ट्रम्प टेरिफ (व्यापार युद्ध) घोषणाको तीन हप्तापछि उत्पादन गतिविधि सम्बन्धी एक आधिकारिक प्रतिवेदनले अप्रिलमा चिनियाँ कारखानाहरूले एक वर्षभन्दा बढी समययताकै तीव्र मासिक मन्दी अनुभव गरेको सङ्केत गरेको छ ।

राष्ट्रिय तथ्याङ्क ब्यूरोले बुधबार प्रकाशित औद्योगिक फर्महरूको सर्वेक्षणमा यस्तो सङ्केत देखिएको न्युयोर्क टाइम्सले उल्लेख गरेको छ । यो प्रतिवेदनले अमेरिकी करले चिनियाँ अर्थतन्त्रलाई कसरी असर गरिरहेको छ भन्ने पहिलो आधिकारिक सङ्केत भनिएको छ ।

चीनले अमेरिकी सामानहरूमा आफ्नै १२५ प्रतिशत कर लगाएर अमेरिकी करको प्रतिक्रिया दिएको छ ।
व्यापारिक झगडाले अमेरिका र चिनियाँ विकासलाई खतरामा पार्छ र सम्भावित रूपमा विश्वव्यापी अर्थतन्त्रलाई समेत खतरामा पार्ने बताइएको छ ।

दुवै देशमा कठिनाइका संकेतहरू देखा पर्न थालेपछि राष्ट्रपति ट्रम्प र चीनका शीर्ष नेता सी जिनपिङमाथि गतिरोध तोड्न सम्झौता गर्न दबाब बढेको छ ।

न्युयोर्क टाइम्सले लेखेको छ – बेइजिङ र वाशिङ्टन दुवै आँखा झिम्काउन तयार देखिँदैनन् । चीनको विदेश मन्त्रालयले मङ्गलबार एउटा भिडियो जारी ग¥यो, जसमा भनिएको थियो कि चीनले ‘धम्की दिने’ को अगाडि झुक्न अस्वीकार गर्छ ।
मङ्गलबार एबीसी न्यूजसँगको एक अन्तर्वार्तामा राष्ट्रपति ट्रम्पले ‘चीनले हामीलाई यसरी जर्जर बनाएको छ जसरी कसैले कहिल्यै जर्जर बनाएको थिएन ।’

आयात करको प्रभावको बारेमा उपभोक्ताहरू र व्यवसायहरूमा रहेको चिन्तालाई बेवास्ता गर्दै चीनले ‘सायद ती करहरू खानेछ’, ट्रम्पले भनेका छन् ।

– द न्योयोर्क टाइम्स