काठमाडौं‍– गर्मी मौसममा छालाको विशेष हेरचाह चाहिन्छ । यो मौसममा गर्मी, धुलो र पसिनाका कारण छाला धेरै खराब हुने गर्छ । यस बाहेक गर्मीको समयमा मानिसहरूले छाला सम्बन्धी समस्याहरू जस्तै पिम्पल, दाग र टेनिङ जस्ता समस्याहरू पनि सामना गर्छन् ।

यी स्किनकेयर समस्याहरूबाट छुटकारा पाउन मानिसहरूले धेरै प्रकारका सौन्दर्य उत्पादनहरू प्रयोग गरे पनि कहिलेकाहीँ तिनीहरूले कामसमेत गर्दैनन् । यस्तो अवस्थामा तपाईँ एलोभेरा प्रयोग गर्न सक्नुहुन्छ, जसले तपाईँको छालालाई प्राकृतिक रूपमा स्वस्थ राख्न मद्दत गर्दछ । किनभने, यसमा प्रचुर मात्रामा भिटामिन, एन्टिअक्सिडेन्ट र एन्टी इन्फ्लेमेटरी गुण हुन्छ, जसले छालालाई डि हाइड्रेसनबाट बचाउँछ। घिउकुमारीको प्रयोग कस्ता तरिकामा गर्न सकिन्छ, हामी तपालाई बताउने छौँ ।

घिउकुमारी र मुलतानी माटो

गर्मी मौसममा हुने अधिकांश छालाको समस्या घिउकुमारीले कम गर्न सकिन्छ । यसका लागि मुलतानी माटोमा एलोभेरा मिसाएर अनुहारमा लगाउने । यो फेस मास्क बनाउन दुई चम्चा मुलतानी माटो र २ चम्चा ताजा घिउकुमारी (एलोभेडा) जेल लिनु होस् । यसलाई राम्ररी मिलाएर अनुहारमा लगाउनु होस्। प्याकलाई १५ मिनेटको लागि छोड्नुहोस् र चिसो पानीले धुनुहोस् । यो फेस मास्कले अनुहारको चायाँ , दाग, झुर्रियाँ, सनबर्न र टेनिंगबाट छुटकारा पाउन मद्दत गर्दछ ।

घिउकुमारी र काँक्रो

घिउकुमारी र काँक्राेकाे फेस मास्क नरम र चम्किलो छालाको लागि स्वस्थ मानिन्छ। दुवै छालालाई शीतलता र ताजापन दिन्छ । तिनीहरूले टेनिंग र दाग कम गर्न पनि मद्दत गर्दछ । यसको प्रयोग गर्न एक चम्चा एलोभेरा जेल र काँक्रोको रस लिनुहोस् । राम्रोसँग मिलाएर अनुहारमा लगाउनु होस् र लगभग १५ मिनेटको लागि छोड्नुहोस्। यस पछि पानीले धुनुहोस् ।

घिउकुमारी र गुलाब जल

घिउकुमारी र गुलाबजल मिसाएर लगाउनाले छालाको जलन र तातोपन कम हुन्छ। साथै, यसले तपाईँको छालालाई नरम र चम्किलो बनाउँछ । यसलाई प्रयोग गर्नका लागि एक चम्चा ताजा एलोभेरा जेल लिनुहोस् र त्यसमा गुलाब जलको केही थोपा मिसाउनु होस् । यसलाई राम्ररी मिलाएर अनुहारमा लगाउनु होस् । यसपछि यसलाई १५ मिनेटसम्म छोडेर पानीले धुनुहोस् । एजेन्सीको सहयोगमा