मड्रिड – स्पेनको विद्युत कम्पनी रेड इलेक्ट्रिसियाले देशभर विद्युत् आपूर्ति बन्द भएको जनाएको छ। अहिले विद्युत् सेवा पुनःस्थापना गर्ने र ब्ल्याकआउटको कारण पत्ता लगाउने प्रयास जारी छ ।

सोमबार कम्पनीले सामाजिक सञ्जाल प्लेटफर्म एक्समा लेखेको छ, ‘समस्या चाँडै समाधान गर्न सबै स्रोत र जनशक्तिको प्रयोग भइरहेको छ।’

समाचार संस्था रोयटर्सका अनुसार, पोर्चुगलमा पनि विद्युत् कटौतीका कारण स्थिति बिग्रिएको छ। त्यहाँ ट्राफिक बत्तीहरू बन्द भएका छन् । लिस्बन र पोर्टो सहरमा मेट्रो सेवा रोकिएको छ । रेल सेवा पनि स्थगित गरिएको छ।

त्यसैगरी, स्पेनमा आयोजना भइरहेको म्याड्रिड ओपन टेनिस प्रतियोगिता पनि विद्युत् कटौतीका कारण रोकिएको छ।

पोर्चुगलको एयरलाइन्स ट्याप एयरले यात्रुहरूलाई अर्को सूचना नआएसम्म विमानस्थल नजान अनुरोध गरेको छ ।