काठमाडौँ – गायक नारायण थापाले नयाँ गीत बजारमा ल्याएका छन् । उनको गीत युट्युबमार्फत सार्वजनिक गरिएको हो ।

‘कुनै दिन भेट होला’ बोलको गीतमा डा. कृष्णहरि बरालको शब्द र गैरे सुरेशको संगीत रहेको छ । आधुनिक युवायुवतीमा पहिले माया अनि पछि हुने धोकाधडीको वास्तविक कथालाई मर्मस्पर्षी शब्द गीतमा उनिएको छ ।

प्रकाश धितालको निर्देशनमा बनेको सो म्युजिक भिडियोमा सुस्मिता अधिकारी, कमल सिंह र जीवन आचार्यको अभिनय रहेको छ ।

रामेछापमा जन्मेकी मोडल अधिकारी सानैदेखि अभिनय, नृत्यमा चाख राख्थिन् । स्कुल, कलेजमा हुने विभिन्न नृत्य प्रतियोगितमा भाग लिएकी उनी मोडलिङ उनको रुचिको विषय हो । उनको अहिलेसम्म तीन वटा म्युजिक भिडियो सार्वजनिक भईसकेको छ ।

फुसर्दको समयमा साथीभाई, तथा परिवारसँगको सामिप्यमा रमाउने उनी घुम्न तथा साहसिक खेलकुदमा सहभागी हुने गरेकी छिन् ।

आफूलाई आफ्नो अंग मध्ये सबैभन्दा आँखा मन पराउने उनी सबैलाई समान तथा सकारात्मक भावले हेर्ने गरेको उनी दाबी गर्छिन् ।

यही क्षेत्रबाट नै आफ्नो छुट्टै पहिचान बन्ने उनले विश्वास लिएकी छिन् ।