काठमाडौं – गत चैत १५ गते राजावादीको प्रदर्शनका क्रममा लुटपाटमा परेको कोटेश्वरको भाटभटेनी सुपर प्रकरणबारे खबरहबले लेखेको समाचारमा जिल्ला प्रहरी कार्यालय धनुषाका एसपी भुवनेश्वर तिवारीले चासो राखेका छन् ।

कांग्रेस सह-महामन्त्री महेन्द्र यादवका छोरासमेत भाटभटेनी लुटपाटमा जोडिएको समाचार खबरहबमा प्रकाशित भएपछि एसपी तिवारीले चासो राखेका हुन् ।

उनले उक्त समाचारलाई लिएर नेपाली कांग्रेसनिकट तरूण दलका कार्यकर्ताले जिल्ला प्रहरी कार्यालयमा आएर दबाब दिएको भन्दै मधेश प्रदेशस्थित खबरहबकर्मी सुमित मिश्रलाई कार्यालयमा हाजिर हुन भनेका हुन् ।

खबरहबको काठमाडौं डेस्कले लेखेको समाचारमा मधेश प्रदेशका सहकर्मी मिश्रलाई जाहेरी नै परेको भन्दै तिवारीले कार्यालयमा हाजिर हुन दबाबसमेत दिएका छन् ।

राष्ट्रिय प्रजातान्त्र पार्टीका अध्यक्ष राजेन्द्र लिङ्देनले शुक्रबारको संसद् बैठकमा भाभटेनी लुटमा कांग्रेसका एकजना सह-महामन्त्रीका छोरा संलग्न रहेको कुरा बताएका थिए । उनले ती नेताका छोरालाई काठमाडौं प्रहरी परिसरले पक्राउ गरेको अवस्थामा गृहमन्त्री रमेश लेखकको दबाबमा छाडेको बताएका थिए ।

प्रहरी स्रोत र लिङ्देननिकटले खबरहबलाई बताएअनुसार भाटभटेनी लुटमा कांग्रेस सह(महामन्त्री यादवका छोराको संलग्नता थियो । त्यस प्रकरणमा टिकटक भिडियो र सीसीटीभी फुटेजका आधारमा यादवका छोरालाई प्रहरीले पक्राउ गरेर पनि राजनीतिक दबाबमा मुद्दा अघि नबढाई छाडेको थियो ।

याे पनि…

भिडियाे हेर्न यहाँ क्लिक गर्नुहाेस् ।

भाटभटेनी लुटपाटमा पक्राउ परेका थिए कांग्रेस सह–महामन्त्री यादव पुत्र