काठमाडौं– नेको इन्सुरेन्स लिमिटेडले आर्थिक वर्ष २०८०–८१ को वितरणयोग्य मुनाफाबाट शेयरधनीलाई बोनस दिने भएको छ ।

कम्पनीको बिहीबार बसेको ४८०औँ सञ्चालक समितिको बैठकले शेयरधनीलाई सात प्रतिशत बोनस दिने भएको हो ।

कम्पनीका सचिव विष्णुप्रसाद धितालका अनुसार इन्सुरेन्सले सात प्रतिशत बोनस शेयर र कर प्रयोजनका लागि ०.३६८४ प्रतिशत नगद लाभांश दिने भएको हो ।

कम्पनीले उक्त बोनस शेयर तथा नगद लाभांश नेपाल बीमा प्राधिकरणको स्वीकृति पछि आगामी बस्ने साधारणसभाले पास गरेपछि वितरण गर्नेछ ।

बुधबारको अन्तिम मूल्य अनुसार नेपाल स्टक एक्सचेञ्ज (नेप्से)मा नेकोको प्रतिकित्ता शेयर मूल्य ७४२ रुपैयाँ ४६ पैसा रहेको छ ।

एक वर्षको अवधिमा उक्त कम्पनीको शेयर उच्चतम् १ हजार ५० रुपैयाँ र न्यूनतम ७३५ रुपैयाँ सम्म पुगेको छ ।