काठमाडौं – गत वर्ष नायक धिरज मगर र नायिका उपासना सिंह ठकुरीलाई लिएर निर्देशक अशोक थापा मगरले फिल्म ‘खुस्मा’ बनाए । थापाको डेब्यू निर्देशन रहेको यस फिल्म बक्स अफिसमा हिट सावित भयो ।

‘खुस्मा’ टिमले अर्को नयाँ प्रोजेक्टको सुरुवात गरिसकेको छ । निर्देशक थापाले फिल्म ‘जलाकी’को छायाङ्न चैत २२ देखि बागलुङबाट सुरु गरेका हुन् ।

निर्माण पक्षका अनुसार फिल्मको पहिलो चरणको छायाङ्कन सकिएको छ । शीर्ष कलाकारमा उपासान र सोनम तोप्देनलाई लिएर पहिलो चरणको छायाङ्कन गरिएको थियो ।

दोस्रो चरणको छायाङ्कनमा ‘खुस्मा’का नायक धिरज मगरको प्रवेश भएको छ । उनी पनि फिल्मको शीर्ष भूमिकाकै लागि अनुबन्ध भएको निर्देशक थापाले जनाएका छन् ।

धिरज, उपासनाको जोडीको भूमिकामा हुन् वा होइनन् यो भने निर्माण पक्षले खुलाएको छैन ।

यस फिल्मबाट मोडल आकृति राजभण्डारीले डेब्यू गर्दैछिन् । फिल्ममा अस्तित्व भट्टचन, माओत्से गुरुङ, बुद्धि तामाङ, संगीता थापा मगर, राजु रेग्मी मगर, खड्कबहादुर पुन ‘खबपु’ लगायतका कलाकारको पनि अभिनय रहनेछ ।

एम मिडिया प्रालीको ब्यानरमा निर्माण हुन लागेको सिनेमाका निर्माता ओम घर्तीमगर, वीरबहादुर लामा, चन्द्रबहादुर भट्टचन, बेताने मगर (बबिता राना) मानबहादुर धनाह मगर र सुस्मिता बुढाथोकी रहेका छन् ।