काठमाडौं– नेरुडे मिर्मिरे लघुवित्त वित्तीय संस्था लिमिटेडले आर्थिक वर्ष २०८०–८१ को वितरणयोग्य नाफाबाट लाभांश नदिने भएको छ ।

नेरुडे लघुवित्त र मिर्मिरे लघुवित्त मर्जर भएपछि गर्न लागेको पहिलो साधारणसभामा कम्पनीले बोनस सम्बन्धी कुनै पनि प्रस्ताव गरेको छैन ।

कम्पनीको साधारणसभा जेठ ५ गते बिहान ११ बजेदेखि धुलिखेल नगरपालिका– ८ होटल साथी काभ्रेपलान्चोकमा गर्ने भएको छ । तर सभामा लाभांश सम्बन्धी कुनैपनि प्रस्ताव राखिने छैन ।

सभा प्रयोजनका लागि कम्पनीले वैशाख २१ गते एक दिनका लागि बुक क्लोजको मिति तय गरेको छ ।

मङ्गलबार नेपाल स्टक एक्सचेञ्ज (नेप्से)मा भएको अन्तिम मूल्य अनुसार लघुवित्तको प्रतिकित्ता मूल्य ६५८ रुपैयाँ १० पैसा रहेको छ । गत आर्थिक वर्षमा लघुवित्तले ५ करोड ३९ लाख रुपैयाँ नाफा गरेको थियो ।