काठमाडौं– राष्ट्रिय प्रजातन्त्र पार्टी (राप्रपा) ले माइतीघर-नयाँ बानेश्वर क्षेत्रमा प्रदर्शन गरिरहेको छ । आइतबार दिउँसो माइतीघरदेखि बबरमहल हुँदै नयाँबानेश्वर क्षेत्रमा राप्रपाको प्रदर्शन जारी छ । अहिले बानेश्वरस्थित निषेधित क्षेत्रमा पुगेर राप्रपा कार्यकर्ताले प्रदर्शन गरेका छन् ।

राप्रपा अध्यक्ष राजेन्द्र लिङ्देनका अनुसार बिजुली बजारमा भेला भएर निषेधित क्षेत्र तोड्न टोली गएको हो । बिजुली बजारको आर्कब्रिज पुलमा जम्मा भएर एभरेस्ट होटल हुँदै बानेश्वरसम्म जुलुस पुगेको छ ।

अहिले निषेधित क्षेत्रमा राप्रपा कार्यकर्ताहरूले नाराबाजी गरिरहेका छन् । उनीहरूले दलका नेताविरुद्ध चर्का नाराबाजीसहित राजा माग्दै प्रदर्शन गरेका छन् ।

हेर्नुहोस् तस्बिरहरू