काठमाडौं– नेपाल बैंक लिमिटेडले चालु आर्थिक वर्ष २०८१/८२ को तेस्रो त्रैमासको वित्तीय विवरण सार्वजनिक गरेको छ । बैंकले सार्वजनिक गरेको अपरिष्कृत वित्तीय विवरण अनुसार बैंकको खुद नाफा २०३२.८० प्रतिशतले वृद्धि भएको छ । 

बैंककले चैत मसान्तसम्ममा २ अर्ब ७८ करोड ३४ लाख ९४ हजार रुपैयाँ खुद नाफा कमाएको छ । गत वर्षको सोही अवधिमा भने बैंकले १३ करोड ५ लाख ९ हजार रुपैयाँ मात्र खुद नाफा कमाएको हो । 

बैंकको खुद ब्याज आम्दानी ४.८१ प्रतिशतले बढेर ७ अर्ब १० करोड ७ लाख ५२ हजार रुपैयाँ पुगेको छ । 

कम्पनीको चुक्ता पुँजी १४ अर्ब ६९ करोड ४० लाख २२ हजार रुपैयाँ बराबरको रहेको छ भने जगेडा कोषमा २३ अर्ब ३१ करोड ३४ लाख ५ हजार रुपैयाँ रहेको छ । 

कम्पनीको खराब कर्जा ०.६० प्रतिशतले बढेर ५.४५ प्रतिशतमा पुगेको छ भने प्रतिशेयर आम्दानी २४.०८ रुपैयाँले बढेर २५ रुपैयाँ २६ पैसा पुगेको छ । 

बैंकको प्रतिशेयर नेटवर्थ २६० रुपैयाँ ७४ पैसा पुगेको छ ।