काठमाडौं – चर्चित भारतीय गायक टोनी कक्कड नेपाल आउने भएका छन् । उनी राजधानीमा आफ्नो प्रस्तुति दिन नेपाल आउने भएका हुन् ।

‘कोका कोला तु’, ‘धिमे धिमे’, ‘मिले तो हुम’ ‘ओह हमसफर’ जस्ता चर्चित गीतका गायक टोनीको पहिलोपटक काठमाडौंमा लाइभ प्रस्तुति रहने आयोजकले जानकारी दियो । कार्यक्रमलाई सि. एन. आई. इभेन्ट्सले आयोजना गर्दैछ ।

‘टोनी कक्कड लाइभ इन नेपाल’मा टोनीले आफ्ना हिट गीत गाएर दर्शकलाई मन्त्रमुग्ध पार्नेछन् । आयोजकका अनुसार यही असोज २ गते (सेप्टेम्बर १९) बिहीबार ठमेलस्थित ‘क्लब फहरेन्हाइट’मा कक्कडको प्रस्तुति रहनेछ ।

यस्तै ओपनिङमा दि फ्रिकस्ट्रिट ब्याण्डले प्रस्तुति दिने कार्यक्रम छ । प्रस्तुति साँझ ८ बजेदेखि बिहान ४ बजेसम्म चल्ने आयोजकले जनाएको छ ।