काठमाडौं– विज्ञान तथा प्रविधिको क्षेत्रमा सहकार्य वृद्धि गर्न भारत र जर्मनी सहमत भएका छन् । दुई देशको मन्त्रीस्तरीय वार्ताका क्रममा यस्तो सहमती भएको हो ।

भारतीय आर्थिक समाचार पोर्टल बिजनेश वर्ल्डक अनुसार वार्ताका क्रममा भारतका युनियनमन्त्री जितेन्द्र सिंह र जर्मनीका मिनिस्टर प्रेसिडेन्ट मार्कस सोडर सहभागी थिए । उनीहरुबीच एआई, हरित ऊर्जा, विद्युतीय पारवहन, साइबर, बायोटेक्नोलोजी, क्वान्टम टेक्नोलोजीजस्ता विज्ञान तथा प्रविधिका नयाँ क्षेत्रमा सहकार्य वृद्धि गर्ने सहमती भएको छ ।

मन्त्री सिंहले भारतको स्वभाविक साझेदार रहेको भन्दै जर्मनीको प्रसंशा गरेका थिए । पछिल्लो समय दुई मुलुकबीच व्यापारिक साझेदारी सुदृढ हुँदै गएको छ ।

हाल जर्मनीमा ५० हजारभन्दा धेरै भारतीय विद्यार्थी अध्ययनरत छन् । मन्त्री सिंहले जर्मन विद्यार्थीलाई भारतमा स्वागत गर्न आफ्नो मुलुक तयार रहेको बताएका थिए ।