मोरङ- मोरङको सुन्दरहरैंचा नगरपालिका–२ जोगियारेमा बिजुलीको एउटा ट्रान्सफर्मर नै चोरिएको छ ।
बुधबार राति तीन घण्टा बढी बिजुली गएको मौका पारेर चोरको समूहले सिंगो ट्रान्सफर्मर नै चोरेर लगेको वडाध्यक्ष विवश प्रधानले खबरहबलाई बताए ।
उनका अनुसार बिजुली गएका बेला बुधबार रातको समयमा अज्ञात समूहले ट्रान्सफर्मर खोलेर त्यसमा रहेको तामाको क्वाइलसहितका सामान चोरेर लगेका छन् ।
चोरीका कारण त्यस क्षेत्रका केही टोलमा विद्युत् आपूर्ति बन्द भएको छ । ट्रान्सफर्मर नै चोरी भएपछि स्थानीयवासी त्रसित छन् ।
वडाध्यक्ष प्रधानले ट्रान्सफर्मर चोरिएपछि प्रहरीलाई खबर गरिएको बताए । उनका अनुसार प्रहरीले अनुसन्धान तीव्र पारे पनि अहिलेसम्म कोही पक्राउ परेका छैनन् ।
प्रतिक्रिया