काठमाडौं – २४ वर्षअघि प्रदर्शनमा आएको फिल्म ‘दैव संयोग’मा एउटा गीत थियो ‘अच्छा लेकिन लण्डनको चिसोले समाउला’ । यो कालजयी गीत आजको दिनमा पनि धेरै संगीतप्रेमीको मुखमा झुण्डिएको पाइन्छ ।

२४ वर्षपछि यो गीतको रिमेक भएको छ । महानायक राजेश हमालको कमब्याक फिल्म ‘नरसिंहा : अभतार’का लागि यो गीतको रिमेक गरिएको हो ।

यस गीतको ओर्जिनल भर्सनमा संगीतकार शम्भुजित बाूकोटाको र गायिका देविका बन्दनाको स्वर रहेको थियो । रिमेका शुम्भुजित र गायिका रचना रिमालले स्वर दिएका छन् । दुवै भर्सनमा शम्भुजितकै शब्द र संगीत छ ।

‘नरसिंहा ः अभतार’ निर्माण पक्षले बुधबार काठमाडौंमा एक कार्यक्रमको आयोजना गरी गीत सार्वजनिक गरेको हो ।

यो गीतको भिडियोमा फिल्मका मुख्य कलाकारहरु राजेश हमाल, राज कटुवाल, नीति शाह, सनिषा भट्टराई, सरोज खनाल, दीपा शाही, उषा खड्गी र बाल–कलाकारहरु एभेलिना खड्का र समाइरा थापाको नृत्य छ । गीतको भिडियोको कोरियोग्राफर कविराज गहतराज हुन् ।

दिवाकर भट्टराइको लेखन तथा निर्देशन रहेको फिल्ममा क्रियटिभ सिने आर्टस्का नेम महर्जनको लगानी छ ।

भिडियो लिंक :